اے آر وائی نیوز
اے آر وائی عبدالرزاق یعقوب کا مخفف ہے جو چینل کے مالک گروپ کے بانی ہیں اورجنرل پرویز مشرف کی فوجی حکومت کی جانب سے پاکستان الیکٹرانک میڈیا ریگولیٹری اتھارٹی (PEMRA) کے آرڈیننس 2002 کے ذریعہ نجی شعبہ کو ٹی وی نشریات کی اجازت دینے کے بعد پاکستان میں پرائیویٹ نیوز چینلزکے اولین لوگوں میں شمار ہوتے ہیں،اس اقدام کا مقصد بھارتی سیٹلائٹ چینلز کی بڑھتی ہوئی مقبولیت کا مقابلہ کرنا تھا۔
ہر لمحہ ہر خبراس چینل کے مشن کا نعرہ تھا، چینل کا ملک بھر اور بیرون ملک میں رپورٹرز اور نمائندگان کا وسیع نیٹ ورک ہے۔
حالیہ برسوں میں مارکیٹ لیڈرجیو نیوز ٹی وی چینل کی سکیورٹی اسٹیبلشمنٹ کے ساتھ کشیدگی کے بعد اس حریف چینل نے اے آروائی نیوز پراس کی بھارت نوازکوریج کا مبینہ الزام لگایا۔
اےآر وائی گروپ مختلف شعبوں میں مفادات کی حامل دبئی میں قائم کمپنی ہے جس کی ادارتی پالیسی کا مقصد کبھی بھی طاقتور ریاستی اداروں یا غیر ریاستی اداروں کوچینج کرنا نہیں رہا۔
سامعین کا حصہ
12%
ملکیت کی نوعیت
نجی
جغرافیائی کوریج
بین الاقوامی
رابطے کی نوعیت
مفت مواد
میڈیا کمپنیاں/گروپس
اے آر وائی کمیونیکیشنز پرائیویٹ لمیٹڈ/ اے آر وائی ڈیجیٹل نیٹ ورک
ملکیت کا ڈھانچہ
آروائی کمینیکیشنز پرائیویٹ لمیٹڈ چینل کے امور چلاتاہے، کمپنی کے دس حصص مالکان ہیں جس میں دبئی میں قائم اے آر وائی ڈیجیٹل FZ LLCسب سے زیادہ 45%حصص رکھتی ہے جبکہ محمد سلمان اقبال(19%)، محمد محبوب (18%)اور محمد یعقوب (9%)حصص کے ساتھ نمایاں ہیں اوروہ تمام ایک ہی فیملی کے ارکان ہیں۔
ووٹ کا حق
معلومات دستیاب نہیں
انفرادی مالک
گروپ / انفرادی مالک
اے آر وائی ڈیجیٹل FZ LLC
اے آر وائی ڈیجیٹل FZ LLCمتحدہ عرب امارات میں رجسٹرڈ ہے، ٹیم کو دبئی میں رجسٹرڈ کاروباری ادارے کے حصص کے ڈھانچہ سے متعلق رسائی نہیں ملی تاہم یہ واضح ہے کہ بانی فیملی دبئی میں بھی کاروبار کو کنٹرول کرتی ہے، محمد قبال گروپ اور کمپنی کے چیئرمین ہیں جبکہ سلمان اقبال اس کے صدر اور چیف ایگزیکٹو آفیسر ہیں۔
عام معلومات
قیام کا سال
2004
بانی کے جڑے ہوئے مفادات
سونے کے ارب پتی تاجر جنہوں نے متحدہ عرب امارت میں اے آر وائی گولڈ کمپنی کی بنیاد رکھی اور بعد میں 2000 میں اے آر وائی میڈیا گروپ قائم کیا۔ 1944 میں ان کے والدین 1947 میں تقسیم ہند سے پہلے ہی بھارت سے ہجرت کر کے کراچی آگئے، وہ ایک دولت مند تاجر اور مخیرشخص تھے، وہ 1969 میں دبئی گئے جہاں انہوں نے اس شہر میں مواقع تلاش کئے اور اپنا کاروبار شروع کیا۔2014 میں وہ طویل علالت کے باعث لندن میں چل بسے۔
سی ای او کے جڑے ہوئے مفادات
وہ اے آر وائی ڈیجیٹل نیٹ ورک کے بانی اور چیف ایگزیکٹو ہیں، اس کے ساتھ وہ اے آر وائی گروپ کے مالک ہیں جو ان کے چچا عبدالرزاق یعقوب نے قائم کیا تھا۔ وہ گروپ کے چار مالکان میں سے ایک حاجی محمد اقبال کے بیٹے ہیں۔
محمد سلمان اقبال اے آروائی فلمز کا بھی آغاز کیا، بطور تاجر وہ پاکستان میں شروع کئے گئے دن رات چلنے والے نیوز نیٹ ورک کے بانی تصور کئے جاتے ہیں اور انہوں نے خبروں اور حالات حاضرہ کے پہلے ٹی وی چینل آے آروائی نیوز کا اس وقت آغاز کیاجب 2002 میں جنرل پرویز مشرف کی فوجی حکومت کے تحت پرائیویٹ ٹی وی اور ریڈیو چینلز کو بھی اپنی نشریات شروع کرنے کی اجازت دی گئی۔
دسمبر 2015 میں سلمان اقبال نے کرکٹ کی پاکستان سپر لیگ میں کھیلنے کیلئے ایک خطیر رقم کے عوض کرکٹ فرنچائز کراچی کنگز خرید لی۔
مدیر اعلی کے جڑے ہوئے مفادات
معلومات دستیاب نہیں
رابطہ
6th فلور، مدینہ سٹی مال،عبداللہ ہارون روڈ، کراچی
ٹیلی فون: +92(0)-21-111-279-111
فیکس: +92(0)-21-35657314
ای میل:info@arydigital.tv
ویب سائٹ:arynews.tv
معاشی معلومات
آمدن (ملین ڈالرز میں)
معلومات دستیاب نہیں
آپریٹنگ منافع (ملین ڈالرز میں)
معلومات دستیاب نہیں
اشتہارات (مجموعی فنڈنگ کا فیصدی)
معلومات دستیاب نہیں
مارکیٹ میں حصہ
معلومات دستیاب نہیں
مزید معلومات
شہ سرخیاں
میٹا ڈیٹا
کمپنی کو15 جنوری 2019 کو ایک کوریئر کمپنی اورای میل کے ذریعہ معلومات کی درخواست بھیجی گئی لیکن جواب نہیں دیاگیا۔یکم فروری کو کوریئر کمپنی اور4 فروری 2019 کو ای میل کے ذریعہ یاددہانی کے باوجودپھر معلومات فراہم نہیں کی گئیں۔ اے آر وائی کمیونیکیشنز پرائیویٹ لمیٹڈ کی جانب سے ایس ای سی پی کو جمع کرائی گئی مالی سال 2017-18 کی آڈٹ رپورٹ کی دستاویزات میں بھی معلومات نہیں جو MOM پاکستان کو اپنی تحقیق کیلئے درکارتھیں، اگرچہ کمپنی کو قانون کے تحت قواعدوضوابط پر پورا اترنے کیلئے سالانہ آڈٹ رپورٹ جمع کرانی ہوتی ہے۔ کمپنی نے اپنی ویب سائٹ پر آمدن، منافع یا حصص مالکان سے متعلق بھی کچھ نہیں بتایا گیااگرچہ دبئی میں قائم اے آر وائی ڈیجیٹل FZ LLCجو اے آر وائی کمینیکیشنز پرائیویٹ لمیٹڈ میں سب سے زیادہ حصص رکھتی ہے، اس نے بھی اپنی ویب سائٹ http://www.hoovers.com/company-information/cs/company-profile.a_r_y_digital_fz_llc.5eb70c5e0376a7ed.html?aka_re=1پرایسی کوئی تفصیلات فراہم نہیں کیں۔
